Koordînasyona PAJK'ê ji bo salvegera Pêngava 15'ê Tebaxê li ser malpera xwe ya înternetê daxuyaniyek belav kir.

Daxuyaniya PAJK'ê wiha ye:

Ji bo roja nû ya gelê Kurd, ji bo salvegera 37'an a 15'ê Tebaxê ku roja hêvî, bawerî, bîrewerî û xwebûnê ye, di şexsê hevrê Egîd de ku fermandarê vê pêngava dîrokî ye, em hemû şehîdên şoreşa Kurdistanê bi hurmet û minet bi bîr tînin.  Em cejna vejînê di serî de li afirandêrê vê pêngava dîrokî Rêber Apo, li hemû gerîlayan ku îro bi rihê Egîdan şer dikin û bi biryardariya Bêrîtanan li ber xwe didin, her wiha li hemû hevrêyên zindanan ku ji serê vê pêngavê heta niha berxwedaneke dîrokî dinivîsin, li hemû gelên Kurdistanê û jinên Kurd pîroz dikin. Em sond dixwin ku li ser xeta şehîdên me em li ser şopa wan bin.

Pêngava dîrokî ya 15'ê Tebaxa 1984'an di dîroka Kurdan de weke dastana şer a serdema nû bi îdeoloî, hişmendî û ramanên Apoyî, li dijî hişmendiya dewleta Tirk a dagirker, faşîst û qirker dest pê kir. Dewleta Tirk a faşîst û qirker xwe li ser tinekirina gelê Kurd, xwe li ser înkara çanda Kurdan û gelên din ava kiriye. Ji bo ku vê afirandina xwe ya ku bi fikar nîjatperestî xurt kirî biparêze, tim siyaseta îmha û qirkirinê rê ve biriye û rê ve dibe. Ev siyaeta qirkirinê niha jî didome û di şexsê AKP-MHP'ê de serdema herî faşîst dijî û di şexsê AKP-MHP'ê de serdema xwe ya herî faşîst dijî. Hişmendiya cuntaya 12'ê Îlonê jî bi temamî li ser bingehê ku pêşengên gelê Kurd îmha bike, berxwedaniya wan bişkîne û rastiya Kurdistanê înkar bike pêk hatiye.  Beriya niha bi 37 salan li Kurdistanê rastiya Kurdbûnê û çanda wê, rastiya jin û civaka wê bêhêvî bû. Pêngava 15'ê Tebaxê beriya her tiştî bêhêviya civakî û jinan a ku li Kurdistanê hatibû afirandin belav kir.  Serdema şerê gerîla, li Kurdistanê û Rojhilata Navîn, li çiyayên Kurdistanê bi pêşengiya Rêber Apo weke çemekî herikî û mezin bû.  15'ê Tebaxê bi vê bawerî û hêviyê, li dijî hişmendiya înkar û îmhayê, hebûna gelê Kurd dîsa vejand, bû rênîşandêra heqîqeta jina şervan û berxwedêr.
Bi geşbûna 15'ê Tebaxê re tevlêbûna jinan a li têkoşîna çekdar, bi demê re geşbûna artêşa jinê, lİ Kurdistanê, Rojhilata Navîn û cîhanê gaveke pêşî bû. Di rastiya civaka Kurdistanê û şertên wê demê de ev gaveke weke şoreşê bû. Li dijî polîtîkayên faşîst a dewleta Tirk ku her demê jin kirine hedefa sereke, jin bi tevlêbûna xwe ya li nav refan bersiva herî bimane û mezin dane û ji bo hemû jinan bûye pêşenga berxwedanê. Di nav 37 salan de geşkirina gerîlatiya jinê û heqîqetkirina vê hem gaveke zor e û hem jî gaveke şoreşger û bi wesfa şoreşî ye. Xeta xweparastinê ya ku bi pêşengiya îdeolojiya azadiya jinê geş bûyî, îro li Rojhilata Navîn û cîhanê banddora xwe li ser hemû jinan dike. Li hemberî pergala desthilatdar ya mêr, di roja îro de zanebûna xwe parastinê di jin de şênbertir xûya dike. Ev zanebûn û hişmendiya pêşketiye xwe dispêre rastiyek hatiye jiyîn. Ew jî rastiya xeta fermandariya jin û milîtaniya wê ye. Ji Sarayan heta Bêrîtan, Zîlan û Delalan xeta jina berxwedêr, fedaî û tekoşer bi çand û heqîqeta xwedawandên li ser vê xakê jiyîn re ji nûve hate meyandin û di roja îro de rehên xwe di mêjî û dilê bi hezaran jinan de çandiye. Ev heqîqete ya ku jinan li dora fikra Rêber Apo û tevgera wê ya jin kom dike.

Li Kurdistanê, rihê 15’ê Tebaxê bû bingeha xeta Şerê Parastina Rewa û şêwayê wê yê zihnî û jiyanî. Rêber Apo, pêngava 15’ê Tebaxê ne tenê weke pêngavekî leşkerî bi nav kir û pêşxist. Weke pêngava ji nûve vejînkirina heqîqeta gelekî li ber pençê qirkirinê bi nav kir. Weke zihniyeteke nû, jiyaneke nû û pênaseyekî nû ya hebûnê bi nav kir. Ji bo wê jî Rêbertiya me ev nîv sedsale tekoşîn dike û berxwedanekî dîrokî ya mînaka wê li cîhanê çênebûye pêş dixîne. Rêbertiya me bi vê meşa dîrokî paradîgmaya Netewa Demokratîk pêşxist. Di bin şertên esareta herî giran de, ked û fedekariyeke bêhempa ji bo azadiya jin û bi hevre bûna gelan têdikoşe. Eger ev pêngava dîrokî 37 sale, bû xwedî ewqas nirxên mezin û destkeftiyan, her wiha di roja îro de bandora xwe li Rojhilata Navîn û Cîhanê dike bi saya keda mezin ya fikir, felsefe û bîrdoziya Rêber Apo û heqîqeta deh hezaran hevalên me yê şehîd e.

Di sala 37’emîn ya pêngava 15’ê Tebaxê de, gerîlayên serdemê kêlî bi kêlî bi rihê Egîdan şer dikin û berxwedanekî dîrokî dimeşînin. Dewleta Tirk a dagirker, beriya 37 salan ji bo pêşî li vê pêngava dîrokî bigre û rihê Apogerî tune bike tevahî hêza xweyî dewletê seferber kir lê bi serneket. Îro jî bi zihniyetekî hîn paşde mayî, bi kiryarên dij mirovî şerekî herî qirêj dide meşandin lê cardin li hemberî berxwedana gerîlayên di şopa Egîdan de şer dikin, li hemberî milîtanên Rêber Apo bi heman binkeftinê re rû berûye.   Li dijî vê şerê qirêj, gerîla bi rihê 15’ê Tebaxê şer dike û li ber xwe dide. Li hemberî faşîzma dewleta Tirk ya qirker, Sekna fedaîyane ya hevalên me di şerê li Heftenîn û Garê de nîşan dan, îro jî li çiyayê Zagros, Metîna û Zapê tê jiyînkirin berdewamiya rihê 15 tebaxê ye. Gerîlayên HPG’ê û YJA Star’ê, bi vê zanebûna erka dîrokî bi rihê berxwedêr careke din ji cîhanê re îspat kirin ku yekane rêya azadî û serkeftinê bi pêşxistina xeta Şerê Gel ê Şoreşgerî dikare pêkan bibe. Ev rastî û baweriya gerîla û gelê me di roja îro de jiyan dike û dide jiyan kirin rihê pêngava 15’ê Tebaxê ye. Erk û berpirsyarên di roja îro de ji me têne xwestin, em weke jin, gel û partî encax dikarin bi rihê pêngava 15’ê Tebaxê bersiv bidin. Ev dema dîrokî ku em têre derbas dibin, sekin û biryardariya rihê pêngava 15’ê Tebaxê ji me dixweze. Em di dawî de dibêjin em ê sala 38’emîn bi heman îdîa û biryarê pêşwazî bikin û azadiya fîzîkî ya Rêbertiya xwe mîsoger bikin. Dawî li polîtîka qirkirina li ser jinan bînin.

Li ser bingeha vê bîr û baweriyê em cejna vejînê li Rêbertiya me, tevahî şehîdên şoreşê, gelê me yî berxwedêr, jinên tekoşêr û li tevahî hevalên me yên çeper bi çeper li ber xwe didin pîroz dikin. Wan bi germahî û rihê 15’ê Tebaxê silav dikin. Bi ronahî û rihê cejna vejînê, em dibêjin wê sala 38’emîn ya pêngava 15’ê Tebaxê, bibe sala azadiya fîzîkî ya Rêber Apo, bibe sala azadiya hemû jinan û serkeftina gelê Kurd û tevahî gelên Rojhilata Navîn.''

 

14'ê Tebaxê 2021